Нови детали за денешниот напад со мачета во Ројтлинген, Германија каде едно лице денеска загина, а две се потешко повредени. Полицијата веќе објави дека напаѓачот е 21-годишен сириски бегалец, кој од претходно им бил познат.
Полицијата објави дека напаѓачот бил сам и дека не се работи за терористички напад.
Извори за „Билд“ тврдат дека убиената жена работела во ќебапчилницата и наводно била бремена.
Според „Билд“, тој бил заљубен во својата жртва, Полјакина со која заедно работеле во истиот локал. Мачетата со која ја убил, наводно, била од истата ќебапчилница.
Некои од сведоците тврдат дека пред нападот убиецот и жртвата гласно се расплравале.
Вујкото на сопственикот на локалот рекол дека напаѓачот се викал Мухамед и дека оставил многу добар впечаток кога дошол да бара работа.
Сведоците велат дека по убиството напаѓачот изгледал сосема вон себе. Мавтал со мачетата и се стрчал кон полицискиот автомобил. Тогаш, возач на БМВ го здогледал, дал гас и го соборил на земја со автомобилот.
– После тоа само лежеше и не се мрдаше – изјавил сведок, додавајќи дека Мухамед веднаш бил уапсен.
Возачот е идентификуван како Алпер М. (21), а двете повредени лица се само случајни жртви.
