Триесет и седумгодишна Кристина С., мајка на едно малолетно дете и нејзиното момче, две години помладиот В.А,. утринава загинаа во страотната сообраќајка која се случи околу 3.30 часот на булеварот Партизански одреди во Скопје.
Загинатиот возач бил таксист, а мајката не била вработена.
Според полициски извори, двајцата имале испиено големо количество алкохол и по излегување во град, тргнале накај дома. Возилото „мерцедес“ според полицискиот увид, се движело со огромна брзина по празниот булевар, пишува Република.
Во еден момент А.В. изгубил контрола над возилото, удрил во бетонската жардинера, а потоа во дрворедот крај булеварот. Од силината на ударот прв загинал возачот, а потоа и жената.
Во нивната облека полициските иследници пронашле лични документи, а час по несреќата нивните најблиски биле повикани за да ги идентификуваат телата во Институтот за судска медицина во Скопје.
Кристина ќе биде погребана во петок.
