Целта на Европската недела на мобилност која во Скопје започна со велопикник и велоекспо е промоција на алтернативните видови транспорт и комбинирање на одржливите начини на превоз до саканата дестинација.
Водно е одбрано како локација за овој прв настан од причина што во изминатиот период е направено најмногу за намалување на бројот на возила за време на викендите и државните празници. Средствата собрани од наплатата на паркирањето на паркинзите на Средно Водно и во Нерези ќе се трошат за одржување на Парк Шумата Водно.
Од воведувањето на наплатата на овие два паркинга досега собрани се нешто повеќе од 11.000 евра.
