Како што пренесуваат српските медиуми од шуга се заразиле 19 студенти од Универзитетот во Нови Сад.
Според предвидувањата на Заводот за здравствена заштита тој број во наредниот период ќе се зголеми, а се очекуваат дури 50 заболени, пишува весникот „24 часа“.
Минатата година имаше вкупно 55, но сега има повеќе заразени. Епидемиологот од Заводот, Лидија Туро вели дека оваа болест се пренесува директно, преку долг контакт со кожата на заразените, сексуални односи или индиректно преку облека, постелнина и слично.
Инкубацијата трае од две до шест недели, од контактот со паразитот до појавата на првите симптоми.
