Камалија Захур е украинска поп ѕвезда која е омажена за британскиот бизнисмен Мухамед. И додека тој со својот приватен авион патува во Пакистан, Дубаи, Лондон, Москва, Одеса и Шпанија каде го води својот бизнис, таа оди на масажа, во теретана и во шопинг каде дневно може да потроши и 60 000 фунти.
– Уживам во шопингот, па кој не ужива? Среќна сум што можам тоа да си го дозволам! – вели 38 годишната Камалија.
Но таа не била богата целиот свој живот. Родена е во брак на руски војник и украинска домаќинка. Кога имала само 9 години била изложена на радијација од Чернобил, по што добила рак на лимфните жлезди. Лекарите ја предупредиле дека можеби никогаш нема да има деца.
Но имала среќа. Во брак со Мохамед е 11 години, а близначките Арабела и Мирабела ги добиле пред само 15 месеци.
– Се чувствувам благословено што конечно успеавме да станеме родители. Близначките сега се центар на нашиот свет. Ги сакам најмногу на светот – вели Камалија.
Таа има две дадилки за децата кои се будат рано со татко им, а неа ја оставаат да поспие. Денот потоа тече вака – таткото оди на работа, децата одат на часови по пливање со инструкторка а Камалија е на часови по пеење, во теретана, на базен и сауна.
Живеат во Киев. Загрижени од судирите во Украина, размислуваат за купување на недвижности на Беверли Хилс.
– Јас сум голема среќничка што не морам да се грижам за иднината – вели Камалија.
