Претставници на таканаречената ОНА вечерва на албанските медиуми во Албанија и Косово најавиле дека во текот на ноќта ќе бидат спроведени нови напади на цели во Македонија и во регионот.
Албанскиот новинар Винсент Триест вечерва на Твитер пренесе дека две групи терористи од Куманово успеале да се извлечат од градот и веќе биле во штабот на ОНА на непозната локација.
Доколку не се работи за намерно проширени шпекулации од страна на радикални албански структури македонската полиција и по денешните судири во Куманово би можела да се соочи со нови напади на други локации.
