Грозно откритие крај северниот ирачки град Синџар на курдските воени сили. Тие наидоа на масовна гробница со телата на 78 млади девојки кои биле застрелани и потоа закопани од војници на “Исламска држава”, соопшти Дејли Меил.
Ликвидацијата датира од пред една година, кога терористите го зазедоа градот, но дури сега е отворена од официјалните власти. Првиот гроб е со телата на 78-те жени. Тој е откриен западно од центарот на градот, во близина на Техничкиот институт, вели Касим Самир, шеф на полицијата во Синџар. Следниот гроб во кој има 60 тела – на мажи, жени и деца, е пронајден на 15 километри западно од градот.
Нема многу информации за втората масовна гробница, бидејќи целата зона околу него е минирана и пристапот до телата е особено ризичен. “Масовните гробници не се изненадување, тоа е очекуван начин на однесување од страна на ИД со оние кои не им се покоруваат” , вели полицаец од Синџар, кој побарал анонимност.
