Мали фрагменти од древните садови кои биле пронајдени во Израел фрлаат нова светлина врз жителите од тоа подрачје од библиските времиња и можат да докажат дека кралот Соломон и кралот Давид, всушност постоеле.
Минатата година археолозите откриле Офелски натпис од 10 век п.н.е., а научниците ги заинтригирал чудниот јазик на остатоците од ќупот.
Меѓутоа, лидер на истражувањето д-р Даглас Петровиќ верува дека јазикот е примитивна форма на хебрејскиот што укажува дека древните Израелците почнале да ја забележуваат историјата многу порано отколку што претходно се мислело.
Кога натписите беа откриени во декември 2012-та експертите веднаш претпоставија дека тоа е ханански јазик. На тој јазик говореле луѓето спомнати во Стариот Завет кои живееле на територијата на денешен Израел.
Меѓутоа, експертот за историјата на Блискиот Исток и библиски студии д-р Петровиќ вели дека тоа не е точно и дека мистериозниот јазик е всушност оригинална најстара форма на хебрејски јазик, што значи дека древните Израелците биле во Ерусалим, многу порано отколку што се мислеше.
-Луѓето кои зборуваат хебрејски јазик го контролирале Ерусалим во 10 век пред нашата ера, што според библиската хронологија е времето на Давид и Соломон – изјави тој за „Фокс њуз“.
Ако тврдење на Петровиќ е точно, тоа би можело да биде доказ за точноста на Стариот Завет, дека древните Израелци долго ја пишувале историја, а не отпосле запишувале преданија стари стотици години.
Исто така, тоа би значело дека Стариот завет има историска подлога од вистински настани.
