Делегациите на Србија и на Косово во Брисел го потпишаа Договорот за наромализација на односите.
„Договорот е усогласен и парафиран. Многу сум задоволна”, изјави пред новинарите високата претставничка на ЕУ за безбедност и надворешна политика Кетрин Ештон.
Според дипломатски извори, на маса бил договор од 15 точки предложен од Ештон, земајќи ги в предвид позициите на двете страни.
Според Радио Телевизија Србија, прифатени се сите српски предлози.
Имено, заедницата на српските општини во Косово ќе има претседател, потпретседател и Совет, како и право да избира регионален командант на полицијата, но и локални команданти во четири општини на северот, како и на југот, односно секаде каде што според етничкиот состав Србите се мнозинство, јавуваат дел од српските медиуми.
Веста прва ја јави косовската министерка Влора Читаку, која на Твитер задоволно напиша: „Белиот чад излезе надвор. Среќа“!
