Пајак службите на Градски паркинг и на ПОЦ Центар во договор со сопствениците на оштетените возила од кризните региони, бесплатно им ги носат возилата до посакуваната дестинација.
Од Градски паркинг велат дека по наредба од кризниот штаб, возилата на жителите од Стајковци ги превезуваат до сервисот „Ацо коп“ и кај селските гробишта, каде теренот е чист и стабилен. Додека, од јавното претпријатие Паркинзи на Општина Центар велат дека ги превезуваат возилата на граѓаните по желба на сопственикот до посакуваната дестинација, а најчесто тоа биле авто сервиси или перални каде ги носат на перење. Од ПОЦ Центар велат дека имаат и обезбедено соодветни капацитети за користење на паркинг места во катната гаража „Судска палата“ за чување на автомобилите во сопственост на граѓаните од кризните региони, со цел спречување на дополнителни материјални штети.
