Германија неколку дена е зафатена од топлотен бран, а вчера во баварскиот град Кицинген измерени се рекордни 40,3 Целзиусови степени, соопштила Германската метеоролошка служба.
Тоа е највисока температура на воздухот забележена во Германија од 1881 година, откако се водат метеоролошки податоци. Досегашниот рекорд беше 40,2 степени, пишува МИА.
Од денеска Германија се наоѓа под „студен“ бран и температурите се движат од 25 степени во северниот дел од земјата до 34 во јужниот дел.
