Морски лавови, розови фламинга, пингвини, крокодили, мангабе-мајмуни се новите животински видови што ќе го збогатат зоо-семејството. Збогатувањето на скопската зоолошка градина со нови содржини ќе продолжи. Оттаму најавуваат дека прво ќе пристигнат морските лавови – крајот на јуни ќе бидат донесени од Зоолошката градина од Загреб. 
Од Зоолошката градина веќе преговараат со повеќе зоолошки за да добијат розови фламинга. Овој зафат ќе биде малку посложен, затоа што ќе има 10-15 фламинга, па побавно ќе се одвиваат донацијата и транспортот.
Обновата на стариот ѕверовник, реализирање на Бонсаи-градината и донесувањето слон во Зоолошката се одложени за подобри времиња. Овие се поголеми проекти и бараат повеќе финансиски средства.
