Општинските комитети на ВМРО-ДПМНЕ во Центар и Карпош експресно ги исклучија од партијата Сашо Мијалков и Никола Тодоров, откако за тоа беше донесена едногласна одлука на Централниот комитет на ВМРО-ДПМНЕ.
Екс министерот за здравство бараше да биде повикан и сослушан од дисциплинска комисија во партијата но тоа не се случи. Општинските комитети на ВМРО-ДПМНЕ во скопските општини Центар и Карпош во само еден ден ги организираа процедурите потребни за исклучување од партијата на Сашо Мијалков и Никола Тодоров. И ексдиректорот на управата за безбедност и контраразузнавање воопшто не бил повикан да се брани.
