На 74 години, почина Стамен Филипов, правник во пензија, човекот кој поднесе најмногу иницијативи пред Уставен суд за преиспитување на уставноста на многу закони и законски решенија.
Филимов или како што го нарекуваа новинарите „уривачот на закони“, „борецот против лошите закони“, човекот кој две децении будно ја штитеше уставноста на нашата земја беше симбол на граѓанскиот активизам, јавуваат медиумите.
Филипов до судот, во текот на своите пензионерски денови поднесе 1200 претставки, од кои дури 308 му биле прифатени.
Филипов е пензиониран правник од АРМ со чин потполковник и уживаше голема почит меѓу своите колеги. Тој пред Уставен суд ги оспоруваше Законот за лустрација , законот за измени на ДДВ, и многу други.
