Лидерите на партиите ВМРО ДПМНЕ, СДСМ, ДУИ и ДПА, Никола Груевски, Зоран Заев, Али Ахмети и Мандух Тачи, стасаа на денешната лидерска средба закажана во 13.30 часот.
На денешната средба лидерите треба да оценат дали се исполнети услови за одржување фер и демократски избори, како и датум кога тие би се одржале. Засега се спомнува датумот 11 декември.
За средбата во Клубот на пратеници се дојдени и американскиот амбасадор во земјава Џес Бејли, како и претставник од канцеларијата на ЕУ во Скопје.
Пред лидерите да дискутираат за датум за избори, требаше да се избере петтиот член на ад хок телото, за што денеска не се постигна консензус. Се шпекулира дека ДУИ ќе пресече за петтиот член на ад хок телото за мониторинг на медиумите.
