Од декември минимална плата од 14 500 денари. Економскиот тим на владата на иста маса со стопанските комори, работодавачите и синдикалците договорија минималец повисок за 2 илјади денари.
Според власта бенефит ќе имаат 90 илјади работници, а ова покачување е доказ дека економските политики даваат резултат.
Покачувањето е прифатливо за работодавачите, сепак сметаат дека може да донесе клуч на врата на помалите текстилни фабрики.
Иако се бореа за минималец во висина од 60% од просечната плата во државата, сепак синдикалците велат дека се задоволни и од ова покачување, но нема да запрат со борбата за повисоки плати.
Со зголемувањето на минималната, се згоголмуваат и сите плати. За фирмите да го издржат товарот, Власта им помага преку мерката за субвенционирање на придонесите за сите оние кои ќе ја покачат платата до 100 евра.
