Легендарниот англиски фудбалер Пол Гаскоњ се бори за живот, откако беше дел од жестока тепачка во еден хотел во Лондон.
Поранешниот фудбалер на Тотенхем и на Лацио поради својата зависност кон алкохолот го допре дното на животот. Тој повторно се најде во центарот на вниманието по оваа тепачка, а информациите говорат дека се здобил со тешки повреди на главата поради кои е пренесен во болница.
– Газа го турнаа по скали, а потоа го шутираа и со нозе по главата. Треба да бидеме искрени и да кажеме дека тој за жал го допре дното на животот. Се надевам дека сепак ќе се извлече од ова. Јасно е дека се бори за својот живот – изјави еден негов пријател за медиумите на Островот.
