Пораката на Јосип Броз Тито на ѕидот од Музејот на Град Скопје, која беше отстранета пред 12 години, повторно ќе се врати на истото место.
За јубилејното одбележување на петте децении од земјотресот, кој однесе многу жртви и го разурна главниот град, беше најавено дека ќе има реконструкција и доградба на тој дел од Музејот, па пораката за солидарност на Тито повторно ќе стои на ѕидот од старата железничка станица.
Пораката беше отстранета пред 12 години од страна на тогашниот директор на Музејот, со објаснување дека буквите ќе се заменат со нови, а ѕидот ќе се реконструира, но досега тоа никој не го стори.
