Предупредување: Можно се нови земјотреси во Италија


Земјотресите кои ја погодија централна Италија во изминатите два месеца може да продолжат со катастрофален „домино ефект“ во кој еден земјотрес води кон друг долж средишните Апенини, предупреди денеска Џанлука Валенсизе, италијански сеизмолог.screenshot_70

Тој изјави дека постои „геодинамична врска“ меѓу катастрофалниот земјотрес од август и сите останати што следувале.

– Тој процес може да продолжи во недоглед при што еден голем земјотрес го ослабува сестринскиот расед во домино процес што може да опфати стотици километри, објаснува Валенсизе, сеизмолог во Националниот институ за геофизика и вулканологија.

Апенинските планини кои се од регионот Лигурија на северозапад до јужниот остров Сицилија полни се со раседи во земјината кора од кои секој во просек е долг од 10 до 20 км.

Денешниот земјотрес со интензитет од 6,6 по Рихтер не однесе живот, но во потресот од 24 август (6,2 по Рихтер) загинаа 297 луѓе. Во меѓувреме беа регистрирани помали потреси од кои во средата земјотрес со интензитет од 6,1 степен.

MK News

Автор инфо

No comments yet.

Остави коментар

UA-33057274-1