ПРИНЦОТ ЕНДРУ „избришан“ од кралицата, оставен без пари


Понижен од Чарлс и Вилијам, кои ја принудија кралицата да го отстрани трајно од кралското семејство пред да го слушне неговото мислење и извинување, принцот Ендру ќе се соочи со американската правда како нормален граѓанин. И тој никогаш повеќе нема да биде третиран како член на кралското семејство.

Напуштен од Елизабета Втора, која со месеци се спротивставуваше на противењата на нејзините други деца Чарлс, Ана и Едвард, како и од нејзиниот внук Вилијам – сите сериозно загрижени од ефектот што неговата вмешаност во скандалот Епштајн го имаше врз популарноста на кралското семејство – принцот Ендру остана сам и треба да се соочи со својот нов живот како нормален граѓанин. Одлука која, како што велат од судот, војводата не ја очекувал, сметајќи на заштитата на мајка си.

Војводата од Јорк (61) сега мора да се подготви да се соочи со обвинувањата за сексуална злоупотреба на Вирџинија Џуфре пред судот во Њујорк. Освен неговата луксузна резиденција на неколку милји од замокот Виндзор, принцот нема големо богатство, зашто немал ни пристап до кралската каса, а сега мора да ги сноси правните трошоци, вклучително и потенцијалната вонсудска спогодба од над 10 милиони фунти.

Итно повикан во Виндзор веднаш по соопштението од американските судии, Ендру го донел со себе и својот адвокат, надевајќи се дека ќе ја убеди мајка му да му даде втора шанса. Чарлс и Вилијам, сепак, го исклучија адвокатот од разговорите, а одлуката му била ладно соопштена: Ендру повеќе не е добредојден.

Чарлс сега ја презеде улогата што некогаш ја имаше неговиот татко Филипо и поддржан од неговиот син Вилијам, го информираше Ендру дека му е одземена титула Кралско височество и дека никогаш повеќе не може да биде негова, а неговите воени позиции и добротворните организации што ги поддржува трајно ќе преминат на другите членови од кралското семејство.

Забраната за вршење јавни функции ќе остане на сила дури и во случај Ендру да победи на судењето во САД.

Share Button
MK News

Автор инфо

No comments yet.

Остави коментар

UA-33057274-1