Огромни количини на снег упорно ќе ја затрупуваат Европа, попратени со многу ниски температури. Според проценките на британските метеоролози, арктичка зима ќе “беснее” на континентот пет месеци.
Тие најавуваат дека првиот бран на студ можеме да го очекуваме уште во ноември.
За јануари се предвидуваат рекордно ниски температури од минус 27 степени Целзиусови, и тоа на поголемиот дел од континентот, вклучувајќи го и пределот во кој се наоѓа Македонија.
Ненадејниот студ со себе ќе донесе и снег кој на планините ќе се формира во снежна покривка.
Пониските предели за белите снегулки ќе почекаат до втората половина на ноември, велат метеоролозите кои се согласуваат со британските колеги и прогнозираат дека престојната зима ќе биде екстремно студена и со повеќе снег отколку минатата.
