При пукање во еден од ноќните клубови во центарот на Орландо, во американската сојузна држава Флорида, се убиени две лица, а девет се повредени, пренесе телевизија NBC.
Според податоците на локалната полиција, за време на инцидентот во клубот имало околу 300 лица. Полицајците пристигнале на местото на инцидентот и започнале истрага. Се трага по три лица кои учествувале во пукањето, причините засега се уште се непознати. Ова е втор инцидент со огнено оружје во државата во последните два дена. Претходно беше соопштено дека најмалку еден човек е убиен, а шестмина се повредени при пукање во саботата наутро во клуб во Тампа.
