Изградба на 78 спорски сали и 140 реконструкции на училишта се дел од програмата на владеачката партија за престојните избори. Спиро Ристовски од тетовско истакна дека партијата ВМРО-ДПМНЕ ќе продолжи да се залага со проекти за подобрување на животот во полошкиот регион.
-Со новата програма планираме нови 78 спортски сали, нови 140 реконструкции на училишта на територијата на Република Македонија, а полошкиот регион и понатаму ќе биде еден од приоритетите на владата на ВМРО-ДПМНЕ. Досега, само во општина Јагуновце изградивме веќе една спортска сала, реконструирана е кровната конструкција на училиштето, а планирана е инвестиција во „Александар Здравковски“. Ние многу конкретно ветуваме, но исто така многу конкретно реализираме, при што потоа отчетно излегуваме пред граѓаните, истакна Ристовски.
