Верификацијата на мандатите на новите пратеници е чиста како солза.
Впрочем вакви ситуации има и во претходниот период кога ВМРО ДПМНЕ беше мнозинство и тоа е лесно проверливо. Ова е коментарот на Јован Митрески, координатор на СДСМ за тужба од ВМРО ДПМНЕ за оспорување на мандатите на пратеницте што дојдоа на местото на оние кои пред изборот на оваа влада поднесоа оставки.
„За жал, деструктивната ВМРО ДПМНЕ продолжува со блокади, овој пат за верификација на мандати на пратеници кои се избрани на избори и за кои гласале огромен број граѓани што претставува преседан. За прв пат во досегашната работа на Собранието, од осамостувањето до денес, две пратенички од нивниот состав гласаа против верификација на мандат на пратеник. Која е логиката да има избори ако тие гласаат против или го бојкотираат процесот на верификација на мандати?!”, коментира Митрески за Сител.
