Тим на Армијата на Република Македонија почнал со кршење на карпата која е надвисната над тетовско село Шипковица, каде во саботата повторно имаше невреме, соопшти денеска Министерството за внатрешни работи.
Поплавата предизвика свлечиште и однесен е дел од локалниот пат од селото Шипковица кон селото Бродец. СВР Тетово континуирано презема мерки и активности за регулирање на сообраќајот на локалниот пат кој се одвива отежнато. Исто така работната механизација е ангажирана за целосно расчистување на патниот правец и ставање во првобитна состојба.
