Жените и децата кои патуваат сами, немаат пари и засолниште и се во најголем ризик од сексуално насилство. Од Агенцијата на ОН велат дека дел од насилството се случува во бегалските центри во Грција, кои само во последните пет дена примија над 48 000 мигранти, а 200 од нив пристигнале на островот Лезбос. Освен жените и децата се принудени да имаат секс со посредници, за да продолжат по патот кон Европа, изјавија од ОН
Во Агенцијата на ОНН за бегалците добиле изворни информации за тоа како мигранти и бегалка прават “секс за опстанок”, при што истакнаа дека вистинскиот размер на проблемот е непознат.
“Врз основа на приказни и индикации добивме информации за тоа дека децата се принудени да прават секс за опстанок, со кој се плаќаат на посредници, за да продолжат по својот пат, или бидејќи парите им завршиле, или затоа што биле ограбени”, се вели во соопштението на ОН.
Портпаролот на Високиот комесаријат за бегалци на ОН Мелиса Флеминг вели дека криминалните групи и други бегалци може да стојат зад ова насилство.
“Ги повикуваме сите вмешани национални власти во Европа да преземат мерки за да ја гарантираат безбедноста на жените, девојките и децата”, додаде таа.
