Македонија и Грција се блиску до решение но ништо не решено додека не се реши се, вели вицепрмеиерката Радмила Шеќеринска во интервју за Франс24.
Јавноста во Македонија и Грција го очекува епилогот од најавениот телефонски разговор меѓу македонскиот премиер Заев и неговиот грчки колега Алексис Ципрас. За официјална Атина клучот за решение е во рацете на македонскиот премиер. Грчката Влада уште еднаш го повтори ставот дека направила се што е во нејзина моќ и дека сега на потег е Скопје, јасно ставајќи на знаење дека патот до решение води само преку промена на македонскиот устав и прифаќање на новото име за севкупна употреба.
За да го смени Уставот на премиерот Заев ќе му треба и поддршката на пратениците на ВМРО-ДПМНЕ. Опозицискиот лидер Мицкоски на саботниот митинг уште еднаш повтори дека неговата партија не прифаќа промена на Уставот за промена на уставното име.
