Ако и малку сте ги следеле случувањата во Северна Кореја, сигурно ви паднало во очи дека на фотографиите покрај лидерот постојано има луѓе кои нешто запишуваат во нотес.
Професорот Џејмс Грејсон од Универзитетот Шефилд, кој воедно е и експерт за случувањата во Северна Кореја вели дека не станува збор за новинари, туку тоа се војници и владини службеници.
Оваа пракса ја вовел дедото на актуелниот владетел, Ким Ил Сунг уште во 1950 година, а со запишувањето се дава до значење на моќта на зборот на владетелот. „Тоа е дел од имиџот на голем лидер кој нуди благонаклонето лидерство и корисни совети“, објаснува Грејсон.
На пример еден од весниците во Северна Кореја во 1976 година кога владеел, дедото на Ким, објавиле текст во кој се опишува што се случувало за време на посетата на една фабрика: „Набљудувајќи го камионот, претседателот рече дека приколката е премногу мала во споредба со силата на камионот. Тој рече дека проблемот со превозот може да се реши ако се зголеми проколката“. После тоа капацитетот на приколката бил зголемен од 800 кг. на 2,5 тона, така што со 20 камиони можело да се пренесе товар за кој порано биле потребни 50.
Сепак, тоа не значи дека владетелот и државните медиуми пренесуваат се што се запишува. Токму поради тоа „запишувачите“ мора да се трудат што е можно попрецизно да ја запишуваат секоја кажана реченица, затоа што било кој пропуст може скапо да ги чини.
Иако во Северна Кореја има таблети, предност му се дава на нотесот и пенкалото, затоа што така се почитува традицијата и се искажува почитување на мудроста и севкупното знаење на лидерот.
