Безживотното тело на 14-годишната Ивана Подрашчиќ, ученичка во ОУ „Светислав Голубовиќ – Митраљета“ од Батајница, која пред повеќе од два месеца е исчезната, го пронашла белградската полиција во напуштена куќа во Раковица, објави Вечерње новости.
Според „Новости“, инспекторите успеале да го разрешат ова свирепо злосторство, а човекот за кој се сомнева дека е убиецот, и кој има дебело криминално досие, веќе е уапсен.
Девојчето, според тврдењата на родителите, на 29. јули излегло со пријателите и оттогаш никому не се јавило. Нејзиното исчезнување во полиција го пријавил нејзиниот татко.
