Двајца синови на видни политичари од Берово од иста партија, синоќа со боксови се пресметувале во тоалет во едно беровско диско
Информацијата за инцидентот ја објави Телевизија Стар која соопшти дека двете момчиња имале и стари нерасчистени сметки. Тепачката завршила со повреди на лицето и рацете, хематоми, гребаници, па по краткиот престој во беровската итна медицинска служба, тепачите биле пуштени на домашно лекување.
ТВ Стар не успеа да добие официјални информации од дежурната лекарка, ниту пак од СВР Штип, кои само ја потврдиле информацијата дека во полициската станица во Берово било пријавено нарушување на јавниот ред и мир.
