Властите во Грција имаат потресни сознанија за криминални мрежи кои се занимаваат со незаконско посвојување деца, објави весникот Етнос, а пренесува МИА.
Весникот тврди дека пред центрите за репродуктивно здравје членови на тие мрежи давале визит-карти со телефони на двојки без деца, ветувајќи им дека може брзо да им најдат бебе за посвојување.
Цените за таа услуга достигнувале и до 30.000 евра.
За незаконската трговија со бебиња, службите биле известени од претставник на цивилна организација.
