Овој човек го нарекуваат по прекарот „Le Loyon“ и како што пренесуваат медиумите го претставуваат како швајцарска верзија на чудовиштето од Лох Нес. Тој на себе носи војничка униформа и гас маска на лицето, а според информациите секој ден ја минува истата патека.
Фотографот кој за прв пат го фатил „Le Loyon“ на камера го раскажа своето искуство.
„Му се приближив на неколку метри. Тој гледаше во мене, а потоа се заврте со грбот и замина во тишина.“
И други очевидци за весникот Le Matin го споделиле своето искуство со мистериозниот човек.
„Семејствата едноставно не сакаат повеќе да одат во шумата. На никој овде приказната не му е смешна“ – изјавил еден фармер.
Локација на шумата во која е забележан човекот
Иако овој човек никогаш никому не наштетил, полицијата се надева дека ќе може да разговара со него со цел да ги убеди луѓето дека местото е безбедно.
Постојат неколку приказни кои кружат за идентитетот на оваа личност. Некои мислат дека станува збор за ментално пореметена жена, други велат дека ова е личност со многу оштетено лице, а трети дека е фанатик кој се подготвува за апокалипсата.
