Синдикатот за образование, наука и култура пред Агенцијата за медиуми и Собранието на Република Македонија ќе покрене постапка за преиспитување на законската обврска за плаќање на радио – дифузна такса за да се спречи обврската за плаќање.
Некои медиуми, особено оние што се финансираат од давачки на граѓаните селективно информираат за случувањата со штрајкот со глад на тројцата професори од штипскиот универзитет и за солидарноста од синдикалците.
Претседателството на СОНК за средствата за јавно информирање кои ги игнорираат активностите и случувањата кои се од битен интерес и од значење и за државата изразува жалење за таквото однесување, особено за медиумите кои се финансираат од законската обврска за плаќање на радио – дифузна такса, како и од дотации од Буџетот на Република Македонија, што значи од даночните обврзници на државата.
