Владимир Јермиќ од Србија со вода си ја натопил целата своја куќа за да бара оштета од државата.
Претседателот на општината Совљак вели дека куќата за време на поплавите била делумна поплавена, но Владимир се обидел со измама двојно да си ја наплати штетата.
– Кога членовите на комисијата за проценка на штети отишле кај Владимир биле затечени. Од комисијата прашале како поминале за време на поплавите, а едно од децата одговрило „Не беше толку лошо додека тато не го зема цревото и самиот ја поли куќата со вода“. Тогаш тие откриле дека Јеремиќ намерно својата стара куќа сакал уште толку да ја упропасти само за да дојде до поголема оштета, вели претседателот на општината кој вели дека е изненаден од ова идеја.
По изјавата на синот, таткото се правдал како детето измислува.
