Дополнителниот заменик-министер за информатичко општество и администрација Невенка Стаменковска – Стојковски денека побара неотповиклива оставка од директорката на Централен регистар Марија Бошковска – Јанковски поради, како што рече, непочитување на законите и вработување спротивно на закон.
Стаменковска – Стојковски тврди дека во Централен регистар незаконски се вработувале, како што рече, партиски послушници на сметка на професионалци и стручни кадри.
– Централниот регистар и директорката иако во целост го имаат усогласено Законот за Централен регистар и Правилникот за системазиција на работните места согласно Законот за административни службеници, согласно Законот за вработени во јавниот сектор, поднесуваат Годишен план за вработување, но не ја водат постапката согласно Законот за административни службеници. И непречено од надлежните инспекциски органи вработуваат како да се приватна компанија и партиска канцеларија, колку сакаат и како сакаат, изјави Стаменковска – Стојковски.
Државниот управен инспекторат, како што рече, иако е должен да спречи и да ги поништи ваквите незаконски огласи досега ја толерира оваа институција и функционерот кој раководи со неа.
Според Стаменковска – Стојкоски, годишниот план бил донесен незаконски, а незаконски бил објавен јавен оглас за вработување и вработување надвор од планираните во Годишниот план за вработување.
Освен прекршочна постапка, како што рече, постојат сериозни индиции за кривична одговорност и поради тоа со претставка ќе ги извести Државниот управен инспекторат, Државниот инспекторат за труд, Државната комисија за спречување на корупцијата и Јавното обвинителство.
На страната на агенцијата за администрација пак се уште има активни огласи за вработување во државни институции. Меѓу нив, во министерството за економија, инспекторатот за употреба на јазиците и МНР, дали тие ќе бидат до крај реализирани или прекинати, останува нејасно. На масовните вработувања во предизборниот период, и денеска реагираат од ВМРО-ДПМНЕ.
Нивната дополчнителна заменичка министерка Невенка Стаменковска дека за незаконски вработувања ја обвни и директорката на Централен регистар и побара нејзина одговорност.
Од централен пак велат дека станува збор за лаги и невистини и ја повикаа Стаменковска сите докази да ги достави до обвинителството
