Се наоѓаме во тешка ситуација, има луѓе кои се однесуваат тотално неодговорно. Мислам дека неодговорноста на Бујар Османи и на поранешната и на сегашната Исламска верска заедница кои направија огромен притисок да се отворат џамиите за Бајрам се главните виновници за оваа ситуација, рече претседателот на ДПА Мендух Тачи на прес конференција. Тој побара одговорност од Османи и од ИВЗ за огромниот пораст на заболени од ковид-19.
– Не можам да ги прифатам квалификациите дека Албанците се познати во Македонија дека не ги почитуваат правилата на институциите во врска со пандемијата, бидејќи има статистика и конкретни цифри кои укажуваат дека Албанците со другите граѓани успеавме 90 дена да се бориме многу добро со пандемијата. Значи тите што сакаа да печалат политички поени, а ИВЗ и материјални придобивки, бидејќи правеа огромен притисок, треба да понесат одговорност. Тие се единствените одговорни за оваа ситуација. Апелираме граѓаните да ги почитуваат правилата иако е тешко да се остане дома повеќе од 48 часа, но нема друг начи нема – рече Тачи.
