Новороденче почина, а една жена е тешко повредена во сообраќајна несреќа која вчера околу 17:50 часот се случила на магистралниот пат Штип-Радовиш, во близина на село Лакавица.
Од полицијата информираат дека незгодата се случила помеѓу „Фиат Добло“ со струмички регистарски ознаки, сопственост на ЈЗУ Општа болница Струмица, а управувано од Љ.Ч.(58) од Струмица, а како сопатници во возилото биле В.Т.(30) од с.Просениково, струмичко, С.С.(53) од Струмица и новородено бебе од мајка Е.У.(39) и камион „Ман“ со радовишки регистарски ознаки управувано од М.Т.(27) од с.Трстеник, кавадаречко, во кое сопатник бил В.Н.(42) од с.Нов Караорман, штипско.
Во незгодата, сопатничката во „Фиатот“, С.С. се здобила со тешки повреди-скршеница на носна коска, а новороденчето со возило на ЈЗУ Клиничка болница- Штип е пренесено во Клинички центар Скопје каде во 1 часот починало.
Увид на местото на настанот извршила увидна екипа од СВР Штип по овластување на Јавен обвинител.
