„Нула денари имам на сметки во странство. Нула!“
Со овие зборови вчера министерот за здравство Никола Тодоров реплицираше на обвинувањата на пратениците од опозицијата за криминал. Тодоров рече дека за прв пат во историјата имаме намалување на цените на лековите и додаде:
– Кога обвинувате за криминали, тоа се вика проекција, пресликување. Тоа што вие сте го правеле, мислите дека другите го прават. Манипулирате со јавноста дека се набавуваат неквалитетни и евтини лекови. Не, истите лекови се набавуваат, од истите производители, само поевтино. Со тоа им брцнав во око на вашите веледрогерии – рече Тодоров.
