Во последните три дена во една болница во северната индиска држава Утар Прадеш од енцефалитис починале 30 деца, изјави денеска индискиот доктор Р. С. Шукла.
Тој ги негираше обвинувањата на локалните медиуми, според кои, причина за смртта на децата е недостиг на кислород, до кој наводно дошло бидејќи приватниот добавувач престанал да го испорачува кислородот заради неплатени болнички сметки, пренесоа британските медиуми.
Меѓу починатите деца има и бебиња, но и деца на 12 годишна возраст.
Шукла изјави дека барем десетина деца во болницата „МРД Медикал колеџ“ умреле заради енцефалитис, болест што предизвикува запаление на мозокот, додека останатите деца умреле заради „проблеми со испораките“, но не наведе дополнителни детали.
Истражните органи на оваа северна индиска држава отвориле истрага за овој случај, наведуваат британските медиуми.
