Македонија се наоѓа во жолта предупредувачка фаза заради новото невреме кое се најавува за попладневните часови.
Метеоролозите очекуваат дожд, ветер, па дури и град на одредени места.
Од Центарот за управување со кризи ги предупредуваат граѓаните без поголема причина да не се изложуваат на опасности со излегување на отворен простор и да не управуваат со моторни возила ако се наближува невреме.
Центарот за управување со кризи апелира до граѓаните, без особена поголема причина, да не се изложуваат на опасности со престој на отворен простор, поради можни атмосферски електрични празнења. Исто така, без посебна причина да не управуваат со моторните возила особено ако е забележливо можно невреме и пороен дожд, заради нивната сопствена безбедност.
„Им препорачуваме на населението во случај на итна потреба да ги користи телефонските броеви за итни повици 192-полиција, 193-Бригада за ПП заштита, 194-за потреба од итна медицинска помош и 195 – телефон за сите можни ризици и опасности во Центарот за управување со кризи“, соопштуваат од ЦУК.
Врз основа на добиената временска прогноза од страна на Управата за хидрометеоролошки работи, и денеска подрачјето на Македонија се наоѓа под влијание на нестабилна воздушна маса што ќе услови попладне на повеќе места да биде нестабилно со пороен дожд и грмежи, локално во форма на невреме со обилни врнежи, засилен ветер и појава на град.
