На социјалните мрежи се објавени драматични снимки направени при престрелка во болница во словенечкото место Изола, во која загинаа 36-годишниот доктор Луис Гујермо Бустаманте, 43-годишниот полицаец Иво Жнидаршиќ и 70-годишниот напаѓач Дарко Грегорич, а ранет е уште еден полицаец.
Мотивите за нападот не се познати, а словенечката полиција соопшти дека 70-годишниот напаѓач во болницата стигнал со список со имиња на лекари што сакал да ги убие. Тој претходно бил осудуван поради грабеж на пошта.
Сведоците изјавија дека докторот бил застрелан во градниот кош. Докторот паднал на земја и почнал да ползи, но убиецот истрелал уште еден куршум во неговиот грб.
