Децата што имаат симптоми на болест да не одат во училиште и дома да се лекуваат за во училиштата да се спречи ширење инфекции, како заразна жолтица, грип и други респираторни заболувања. И образовните институции да ја зголемат хигиената – препорачаа од Министерството за здравство, пренесува Дневник.
– Kој и да било симптом да го има детето – кашлица, кивање, зголемена температура или не се чувствува добро – да се јави кај класниот раководител и најмалку една недела да не посетува настава – изјави д-р Јованка Kостовска, раководител на превентивна здравствена заштита при Министерството за здравство на прес-конференција.
Засега е мирна состојбата со овие заболувања, но време е за превентивните мерки.
