Увезеното млеко нема да се продава додека не се потврди дека е безбедно


Задолжителни лабораториски анализи на афлатоксини во целокупните количини увезено млеко и млечни преработки, наложи Агенцијата за храна и ветеринарство (АХВ).

До добивање на резултатите од испитувањата, увезените млеко и млечни преработки нема да се пуштат во промет. Ќе бидат складирани кај увозниците додека не се добијат позитивни резултати дека се безбедни. Ако анализите потврдат присуство на афлатоксини над дозволеното, увезените количини ќе бидат уништени.

АЛАРМАНТНО – ОД 35 ПРИМЕРОЦИ МЛЕКО, 29 ТОКСИЧНИ – И МЕГЛЕ, ИМЛЕК, НИШКА МЛЕКАРА, СОМБОЛЕДА…

mlijekovindijadukatpovlacenje

Присуството на афлатоксини во млекото и млечните преработки увезени од Србија, БиХ, Хрватска и Косово задолжително се испитува од минатата недела. Од вчера, листата е проширена на целокупната количина што се увезува.

Агенцијата ги засили и контролите на фармите, во преработувачките капацитети, како и на домашниот пазар.

– Производството на млеко во државата е под постојан мониторинг преку спроведување на Националниот мониторинг план за контрола на резидуи од ветеринарно медицински препарати и контаминенти кај живите животни и производите од животинско потекло во Република Македонија, одобрен од Европската комисија. Минатата година врз основа на овој мониторинг план, се испитани 81 мостра од сурово млеко, земени од различни фарми во државава. Според добиените резултати, ниту една не покажала присуство на афлатоксин, наведува АХВ.

Афлатоксините се продукт на габите Aspergilus кои најчесто се јавуваат кај житата од каде, преку исхраната, се пренесуваат во добитокот.

Државниот инспекторат за земјоделство уверува дека добиточната храна увезена од Србија е безбедна и сигурна за употреба.

81147_0816-mleko-dukat-foto-o-bunic_f

– Анализите на Институтот во Штип покажаа дека увезената пченка од Србија е безбедна, не ги надминува дозволените концентрации на афлатоксин и може да се употребува за сточна храна, изјави директорот на Инспекторатот Румен Стаменов.

Според него, анализите на српската пченка што беа засилени во декември 2012 по алармот дека е токсична, покажаа присуство на патогената бактерија Fusarium од 4 до 5 отсто, но не и на габата Aspergilus која произведува афлатоксин.

– Од досегашните испитувања немаме никакви сознанија дека е надминато дозволеното ниво на афлатоксин кое согласно Правилникот за храна може да се движи од 10 до 50 микрограми во одредена количина сточна храна. Кај нас таа количина, во просек, е 2 до 3 микрограми афлатоксин, рече Стаменов.

Минатата година се увезени вкупно 2.155 пратки или 54.935 тони српска пченка за добиточна исхрана, а во јануари 2013 64 пратки или 1.657 тони.

– Никаде не наидовме на надминување на количеството на афлатоксинот. Граѓаните, како консументи на млеко, не треба воопшто да се грижат, нека бидат сосема спокојни, нагласи директорот.

Mleko-Dukat-Maksi

Тој објасни дека ако количината афлатоксин во сточната храна е зголемен, најпрво ќе предизвика промени кај животните, масовни дизентерии, маститис, појава на абортуси.

– Нашите ветеринари не дијагностицираа ништо такво. Сепак, заради сигурноста, будно ја следиме состојбата. Ги зајакнавме граничните контроли особено по случката во Италија и досега немаме откриено резултати кои би не загрозувале. Во сточната храна (пченката) ако има, е присутен т.н. Б1 афлатоксин од кој само 3 отсто се трансформираат во типот М1 кој би можел да се најде во млекото, објасни директорот Румен Стаменов.

Пораката од Државниот иснпекторат е дека домашната пченка е со многу подобар квалитет и најабезбедна за употреба како добиточна храна.

Mia

Share Button
MK News

Автор инфо

No comments yet.

Остави коментар

UA-33057274-1