Ужас во женскиот затвор во Пожаревац. 38-годишната осуденичка З.С. која издржувала тригодишна затворска казна за дилање дрога, криела мртво бебе под креветот. 
Таа во средата се обидела да се самоубие со жилет, но ја виделе навреме и обидот бил спречен. Под нејзиниот кревет во 21 часот и 30 минути било пронајдено мртво новороденче.
Обвинителството нареди обдукција на телото на новороденчето за да се види во какви околности настапила смртта.
Бебето го забележале чуварите. Тие виделе црна ќеса под креветот, а кога ја отвориле, глетката била ужасна.
Ако убиството нема поврзаност со затвореничката, таа нема да сноси одговорност, но ако таа го убила бебето, покрај казната која ја одлежува, ќе биде судена и за убиство на дете по пораѓај.
