Поранешниот директор на Агенцијата за перење пари Ване Цветанов, кој сега е во притвор, преку писмо кое до медиумите го испрати неговата мајка Милева Цветанова, реагира на состојбите во притворното одделение.
„Без разлика што презумпцијата на невиност е загарантирана, а со тоа и сите човекови права во кои спаѓа и здравствената заштита, во притворот таа е никаква благодарение на докторите. Многу поголема веројатноста е да се добие бинго со џек пот, отколку притвореник да добие упат за детален специјалистички преглед.
Со месеци барам и молам испитување на црниот дроб и дигестивниот систем и обична крвна анализа и до ден денес не ги добив“, пишува Цветанов.
Во продолжение ви го пренесуваме целото писмо.
