Универзитетската професорка Билјана Ванковска во живо во вестите на ТВ Сител изјави дека денешното изгласување на Законот за јазици значи смрт за парламентарната демократија во Република Македонија.
-Овој закон беше изгласан на целосно нелегален начин. Не беа почитувани процедурите, не се дозволи разгледување на амандманите. Овој закон е мртвороденче и значи конечна смрт за и така болната парламентарна демократија во Република Македонија. – изјави Ванковска во вестите на Сител.
Ванковска додаде дека законот е против-уставен а дополнително е прекршено и правилото за гласање, затоа што тој е изгласан во истата форма како и претходно цел еден месец по ветото на претседателот Иванов, а законот предвидува дека во иста форма може да биде изгласан само 30 дена по ветото.
