Вооружен напаѓач застрелал најмалку 27 лица, вклучително и странски туристи, при напад на плажа во одморалиште во Тунис, соопшти Министерството за внатрешни работи на земјата, цитирано од AFP.
Портпаролот на Министерството Мохамед Али Аруи изјави на националната телевизија дека нападот во градот Сус е “терористички чин”. Тој додаде дека напаѓачот е убиен.
Министерството за надворешни работи нема информации дали во Тунис во моментов престојуваат македонски државјани и каде се наоѓаат. Светските агенции јавуваат дека повеќето од туристите кои настрадаа во масакрот во летувалиштето Сус се британски државјани.
