Британка направи венчален фустан од хартија, користејќи 1500 документи од бракоразводни парници.
Младата креаторка Деми Барнс својот модел го постави на Фејсбук и предизвика нејзината креација да стане хит. Барнс откри дека неколку познати британски дизајнери и дизајнерски фирми веќе и понудиле да работи за нив и да креира модели.
Во изјава за британските медиуми таа рече дека сакала својот модел да и го прикаже на една своја роднина која живее во Италија и оти воопшто не сонувала дека необичниот фустан ќе и помогне да стане позната низ земјата.
-Ми се јавија многу познати дизајнери, со молба да им дозволам да го копираат фустанот што го креирав, како и идејата за материјалот, но јас само сакав да укажам дека многу девојки во Велика Британија пребрзо влетуваат во бракови што завршуваат со развод- вели Деми Барнс.
