На приложеното видео ќе ја видите острата реакција на Ивона Талевска која нервозно и машки треска на маса, поради лошата координација со репортерката која известувала од гласачкото место во Бутел.
Од вчера на социјалните мрежи кружи видеоснимка на која новинарка дописник се јавува во живо од терен во вестите на „Сител“, а среде разговор ѝ ѕвони телефонот. Таа го прекина интервјуто со членовите на Избирачкиот одбор од гласачко место во Бутел за да одговори на повикот. Гафот на новинарката што прекина изјава за да се јави на телефон не можеше, а да не помине незабележано. Но, она што го привлече вниманието е реакцијата на новинарката Ивона Талевска, која камерата во студиото ја фати како удира со раката по маса, веројатно, незадоволна од она што членовите на Избирачкиот одбор од гласачкото место во Будел го изјавија пред камерата.
