Глумицата Линда Еванс, позната по ликот на Кристл во телевизиската серија од 80-те години на минатиот век „Династија”, денес, во осмата деценија од животот, се најде под удар на законот поради возење под дејство на недозволени супстанци.
Линда од 1981 до 1989 година беше една од најгламурозните дами на малите екрани, а сега поводот таа да биде на насловните страници се нејзините проблеми со зависноста.
Некогаш славната и атрактивна русокоса актерка се тетеравела пред полициската патрола која ја застанала, а потоа таа и признала дека во себе има „полна рака апчиња” за болките во грбот. Тоа е евидентирано и на полициската камера.
